الوحش الدهماني
02-23-2009, 10:47 PM
قصة
كان هناك في يوم من الايام
ريال كسول وايد المهم سار هالريال ويبى يجرب حضه عند الحكيم المهم سار الريال ومشى ومشى ولقى ريال ويا حرمته يالسين على اخر حيط تم من بيتهم لانه جديم المهم قالهم شكله حظكم مب شي تبوني اسأل لكم الحكيم قالوله : والله زين
قالهم فالكم طيب المهم وكمل بعده شوي ومشى ومشى لقى سمجة يعورها راسها وقالها : افااااا راسج يعورج فالج طيب بشوف حظج عند الحكيم قالتله : فيك خير ،ومشى ومشى شوي بعده ولقى ذيب قاله عندك مشكلة بعد تبيني اخبرها للحكيم قاله : سبحان الله الله يابك قاله يا خوي انا من اشوف شي جدام عيني شي ما اقدر اكله شوفلي الحكيم قاله : فالك طيب ومشى ومشى ولقى ريال شيبه قاله : اعرف وراك مشكلة بخبرها الحكيم بس قول انت ، قاله : انا الحكيم يا لطمطمة ، قاله : سامحني وكذا وما اعرف كيف، المهم اهو قاله مشكلة الأشخاص الثلاثة قاله : الريال وحرمته خلهم يحفرون تحت حيطهم بيحصلون كنز والسمجة خلها تهز راسها وبتحصل لؤلؤة والذيب اول شي يحصله ياكله وقاله انا قاله انت بتحصل شي كبير وسار الريال لين الريال وحرمته وقالهم : يقولكم الحكيم انه عليكم انكم تحفرون تحت الحيط ، وحفروا وحفروا ، ولقوا الكنز قالوله : مشكور والله انك ما تقصر وبنعطيك جزء من الكنز ، قالهم : يالله مناك ، انا وراي شي كبير وسار لين السمجة قالها : الحكيم يقولج هزي راسج وطلعت اللؤلؤة قالتله والله من صوبك قالها : مناك يالله بس مناك انا وراي شي كبير وسار لين الذيب قاله : يقولك الحكيم اول شي تحصله اكله فسار الذيب واكل الريال
فكـــــــــــــــان الشي الكبــــــــــــــــــــــــــــــير اهو الموت
تمت القصة
للمؤلفة : يدتي العزيزة
كان هناك في يوم من الايام
ريال كسول وايد المهم سار هالريال ويبى يجرب حضه عند الحكيم المهم سار الريال ومشى ومشى ولقى ريال ويا حرمته يالسين على اخر حيط تم من بيتهم لانه جديم المهم قالهم شكله حظكم مب شي تبوني اسأل لكم الحكيم قالوله : والله زين
قالهم فالكم طيب المهم وكمل بعده شوي ومشى ومشى لقى سمجة يعورها راسها وقالها : افااااا راسج يعورج فالج طيب بشوف حظج عند الحكيم قالتله : فيك خير ،ومشى ومشى شوي بعده ولقى ذيب قاله عندك مشكلة بعد تبيني اخبرها للحكيم قاله : سبحان الله الله يابك قاله يا خوي انا من اشوف شي جدام عيني شي ما اقدر اكله شوفلي الحكيم قاله : فالك طيب ومشى ومشى ولقى ريال شيبه قاله : اعرف وراك مشكلة بخبرها الحكيم بس قول انت ، قاله : انا الحكيم يا لطمطمة ، قاله : سامحني وكذا وما اعرف كيف، المهم اهو قاله مشكلة الأشخاص الثلاثة قاله : الريال وحرمته خلهم يحفرون تحت حيطهم بيحصلون كنز والسمجة خلها تهز راسها وبتحصل لؤلؤة والذيب اول شي يحصله ياكله وقاله انا قاله انت بتحصل شي كبير وسار الريال لين الريال وحرمته وقالهم : يقولكم الحكيم انه عليكم انكم تحفرون تحت الحيط ، وحفروا وحفروا ، ولقوا الكنز قالوله : مشكور والله انك ما تقصر وبنعطيك جزء من الكنز ، قالهم : يالله مناك ، انا وراي شي كبير وسار لين السمجة قالها : الحكيم يقولج هزي راسج وطلعت اللؤلؤة قالتله والله من صوبك قالها : مناك يالله بس مناك انا وراي شي كبير وسار لين الذيب قاله : يقولك الحكيم اول شي تحصله اكله فسار الذيب واكل الريال
فكـــــــــــــــان الشي الكبــــــــــــــــــــــــــــــير اهو الموت
تمت القصة
للمؤلفة : يدتي العزيزة