مشاهدة النسخة كاملة : عــٍيّوُنـ ظبـــْية ضيفة كرسي الأعترااف^^
النوخذة
03-05-2009, 09:33 PM
السلام عليكم ورحمة الله وبركاته
مساؤكم / صباحكم معطر بنفحات المحبة التي تجمع قلوبنا
بقلب منتدى "أهل العين"
سنبحر سوياً الى عالم الإبداع بإستضافة جديدة
نبحث فيها عن جوانب شفافة
نلتقي معكم مع عضوه من أسرة منتدى أهل العين ..
اليوم ضيفتنا تمتاز بردها الراقي ..
عضوه تتألق في سماء منتدى أهل العين ..
كانت عنوان التميز منذ حظورها حتى تواجدها في هذه اللحظات ..
عضوه معروفه بحسن خلقها وتعاملها مع الأعضاء ...
بكل احترام نستقبل
< عــٍيّوُنـ ظبـــْية >
مرحبا بج اختيه و اهلاً وسهلاً بج بين احضان كرسي الاعتراف.
فمرحــبــآ بــج الــســـاع ..
ضيفه عزيزه وكلنا شوق للتعرف أكثر على جوانب مختلفه من شخصيتجـ ..
والســموحــه,,,
عــٍيّوُنـ ظبـــْية
03-05-2009, 09:51 PM
وعليكم السلام والرحمه
مساء النور والسروور
تسلمين الغاليه على هيك مقدمه
وان شاء الله برد على جميع اسألة الاعضآء
عادي سألوا أي سؤال بجاوب >> بس أسأله معقوله هههههه
^^
المهندس
03-06-2009, 12:40 AM
أول شي مشكورة مديرتنا عالموضوع
من زمان محد حطى موضوع بهالقسم
وثانيا مرحبابج عيون ظبيه بكرسي الاعتراف
منوره ما شالله عليج
بس عاد ما اوصيج تحملي الأسئله وجاوبي بضمير وعن تغشين ههههه
ببدى أسئلتي وما بكثر عليج
1_ شو رايج بالمنتدى وبأعضاء المنتدى .؟؟
2_ شو الشي اللي تحسينه ناقص فالمنتدى ؟؟
3_ شو الشي اللي يعيبج بالمنتدى ؟؟
هذي بس أسئلتي لليوم كلها عن المنتدى ولنا لقاء ثاني وأسئلة ثانيه
ضميان قلبي
03-06-2009, 02:23 AM
تسلمين رااعيه على الموضوع النايس
وربي يعطيج الف عاافيه
لوول هلا فيج عيون ظبية بكرسي الاعترااف
هع يااويلج من آسآلتي عاد مااتخلص
انزين شو آسآلج
انزين اول سؤال شوو راايج ..برااعيه العوايد الاوليه ....^^!
الثاني امممم....منو العضو الي تفضلينه اكثر يعني ترتااحيله..^^!
امممممممم وشووو راايج تكسرين حصى هع
يالله نترياا الاجوبه لوول
عــٍيّوُنـ ظبـــْية
03-06-2009, 03:14 PM
أول شي مشكورة مديرتنا عالموضوع
من زمان محد حطى موضوع بهالقسم
وثانيا مرحبابج عيون ظبيه بكرسي الاعتراف
مرحب باجي ^^
منوره ما شالله عليج
منور بوجودكم ^^
بس عاد ما اوصيج تحملي الأسئله وجاوبي بضمير وعن تغشين ههههه
هههههه خلاص فالك طيب >> بس لازم شوي نغير هع هع هع
ببدى أسئلتي وما بكثر عليج
^_^
1_ شو رايج بالمنتدى وبأعضاء المنتدى .؟؟
المنتدى: فنان وماعليه كلام بس يباله شوي تعديل ومن هالسوالف ^^
الاعضآء: اممممم يبالهم حد يحركهم لان شوي اشوفهم رقوود بس حد منهم ما شاء الله عليهم تقريبا كل يوم اشوفهم ^^
2_ شو الشي اللي تحسينه ناقص فالمنتدى ؟؟
هو في شي ناقص بس شو ماعرف يعني شي يحفز الاعضاء ويخليهم يتحركون ^^
3_ شو الشي اللي يعيبج بالمنتدى ؟؟
اممم والله هو كله على بعضه عايبني ههههه بس قلت لك يباله شوي تعديلات ^^
هذي بس أسئلتي لليوم كلها عن المنتدى ولنا لقاء ثاني وأسئلة ثانيه
تسلم المهندس عالاسأله وانتظر باقي أسألتك ^^
لاتراوشني
03-06-2009, 03:22 PM
انشاءالله تستانسين على الكرسي
بنبداء احم احم
جاهزه ولا؟
ابداء
يالا بنبداء
ابداء ولا كيف
خلاص بدينا بسم الله
1. رآضيـة عن عمرج ؟
2. شيء حدث بحياتج غير مجرآهـآ ؟
3. كلمة تتمنين سماعها كل يوم ؟
4؟ موقف آنصدمتي منه لدرجة آنه طاحت دمعة من عيونـج ؟
5. نصيحة ودج تعطيني ياها ؟
6. نصيحة تقدمينها للموقع وإدارته ؟
7. شو موقفج من الحب ؟؟ وهل جربتيه ؟؟ هل تأمنين بوجوده ؟؟
8. شو الاكل المفضل عندج؟
9. اللون المفضل؟
10. شو سيارة أحلامج؟ وهل تفكرين تاخذينها ؟
11. شو شعورج لما انتخبوج لكرسي الاعتراف؟
12. تحبين المدرسة؟ ليش؟
13. كم مرة انضربتي في البيت؟
14. اللعبة اللي لعبيتها أكثر شي أيام الطفوله ولين الحين تحبينها؟
15. من أقرب لك من الاشخاص .. داخل و خارج المنتدى ؟
16. العضو الاكثر تميزاً من بين الاعضاء ؟ و المشرف الاكثر تميزاً من بين المشرفين ؟
17. كلمات لعضو او مشرف
- اسلوبه يعجبك
- نشيط
- يعجبك طرحه للمواضيع
- عصبي
- ترتاحي له
- تعجبك ردوده
- هاديء
- متابع لك
- تتابعي مواضيعه
- عاجبك نك نيمه
- تبين تعرفين معنى نك نيمه
- يحب الرسم
- تحسي انه غامض
- وااااضح
- فرفوووش
- حزين
- صعب التعاامل معاه
- مرعب
- متسااامح
- حسااااس
- قوي الشخصية
- صبووور
- رومنسي
- سهل التعااامل معاااه
- نشيط جدا
- كوميدي
- ودك تضربيه
- تهدينه باااقة ورد
- يعجبك توووقيعه
- قلبه طيب
18. خمسة اعضاء مستحيل تنســـينهم
- - - -
شكلي واايد سألتج
والسموحه منج
لي عوده
عــٍيّوُنـ ظبـــْية
03-06-2009, 03:23 PM
تسلمين رااعيه على الموضوع النايس
وربي يعطيج الف عاافيه
لوول هلا فيج عيون ظبية بكرسي الاعترااف
هلا بك زوود ^^
هع يااويلج من آسآلتي عاد مااتخلص
ههههههه شوي شوي علينا ^^
انزين شو آسآلج
اسأل اللي بتسأله ماورانا شي ههههههه
انزين اول سؤال شوو راايج ..برااعيه العوايد الاوليه ....^^!
امممم راعية العوايد ما شاء الله عليها مديره فنانه بس مادق عود هع وماعليها كلام و تقريبا دوم متواجده واسلوبها راقي وحلو ^^
الثاني امممم....منو العضو الي تفضلينه اكثر يعني ترتااحيله..^^!
تبا الصدق لين الحين ماعرف لان توني ماعرفت حد من الاعضاء غير ذباحة المخاليق يعني مره سولفت وياها وتقريبا ارتحت لها اما الباقين يعني لين الحين ماعرفتهم ^^
امممممممم وشووو راايج تكسرين حصى هع
هههههههههههه لا ما بكسر ^^
يالله نترياا الاجوبه لوول
وجاوبنااك هع ^^
يسلمووو ضميان عالمروور والاسأله وانتظر باقي اسألتك ^^
عــٍيّوُنـ ظبـــْية
03-06-2009, 03:55 PM
انشاءالله تستانسين على الكرسي
حاليا مستانسه هع
بنبداء احم احم
جاهزه ولا؟
جاهزه ^^
ابداء
يالا بنبداء
ابداء ولا كيف
خلاص بدينا بسم الله
هههه يالله يالله ^^
1. رآضيـة عن عمرج ؟
ان قلت راضيه فبكون اكبر جذابه - هو الصراحه مب راضيه ><
2. شيء حدث بحياتج غير مجرآهـآ ؟
هييه في شي استوى في حياتي وغيرها ^^
3. كلمة تتمنين سماعها كل يوم ؟
اممممم وايد كلمات خاطريه اسمعها دوم
4؟ موقف آنصدمتي منه لدرجة آنه طاحت دمعة من عيونـج ؟
موقف صار من ربيعتيه صدق خلاني اضايق واصيح وهالموقف علمني كيف مره ثانيه اختار ربيعاتي ^^
5. نصيحة ودج تعطيني ياها ؟
امممم لاتسمعين رمست الناس وخلج واثقه في عمرج وباللي تسوينه و عيشي حياتج على كيف كيفج بس باللي يرضي ربج ^^
6. نصيحة تقدمينها للموقع وإدارته ؟
دوروا شي يحرك الاعضاء ههههههه
7. شو موقفج من الحب ؟؟ وهل جربتيه ؟؟ هل تأمنين بوجوده ؟؟
اممم احس ان الحب صار هالايام لعبه يعني كيف اقولج احس انه ماله داعي صار مثل اي شي يعني وجوده وعدمه واحد ^^
8. شو الاكل المفضل عندج؟
اكل المطاعم ^^
9. اللون المفضل؟
عيناوي - اسود
10. شو سيارة أحلامج؟ وهل تفكرين تاخذينها ؟
امممم احب الهمر - بس آخذه لا ههههه لان مستحيل هليه يطيعون لان عوده على قولتهم بس يمكن اخذ لكزس او بي ام دبليو >> قريبا ان شاء الله الليسن في جيبي ^^
11. شو شعورج لما انتخبوج لكرسي الاعتراف؟
امممم عادي >> متعوده في كل منتدى اشارك لازم انعق عليه ^^
12. تحبين المدرسة؟ ليش؟
لا ما احبها > لان كل مواقف اللي مب اوكي صارت في المدارس هههه الحمدالله اني طلعت منها ^^
13. كم مرة انضربتي في البيت؟
امممممم لا تعد ولا تحصى هههه يعني يوم كنت صغيره وايد ربشه وشيطانه يعني راعية مشاكل ههههه فعشان جي انضرب >> بس حاليا وقبل كم سنه لا الحمدالله اصطلبت وغديت حرمه ^^
14. اللعبة اللي لعبيتها أكثر شي أيام الطفوله ولين الحين تحبينها؟
امممممم بلاي ستيشن >> لين الحين احبها ^^
15. من أقرب لك من الاشخاص .. داخل و خارج المنتدى ؟
داخل : محد ,,,, خارج : ربيعتيه واختيه ^^
16. العضو الاكثر تميزاً من بين الاعضاء ؟ و المشرف الاكثر تميزاً من بين المشرفين ؟
اممم العضوه هي دلع الكون والمشرفه الدرمكيه والمهندس و الباقين تقريبا ^^
17. كلمات لعضو او مشرف
- اسلوبه يعجبك
الكل
- نشيط
امممم انا ههههه
- يعجبك طرحه للمواضيع
الدرمكيه
- عصبي
محد
- ترتاحي له
امممم حاليا ذباحة المخاليق
- تعجبك ردوده
راعية العوايد الاوليه
- هاديء
ماعرف ><
- متابع لك
راعية العوايد ^^
- تتابعي مواضيعه
الكل ^^
- عاجبك نك نيمه
يالبيه
- تبين تعرفين معنى نك نيمه
محد ^^
- يحب الرسم
ماعرف><
- تحسي انه غامض
نو ون
- وااااضح
تقريبا الكل
- فرفوووش
عيناوي 007 و ضميان ^^
- حزين
محد
- صعب التعاامل معاه
لين الحين ماعرف ^^
- مرعب
ههههههه ماظني في حد مرعب ^^
- متسااامح
اممم يمكن الكل تقريبا
- حسااااس
لين الحين ماعرف
- قوي الشخصية
راعية العوايد والمهندس
- صبووور
اممم اكيد الكل يتمتع بهالصفه
- رومنسي
اممممم ماعرف
- سهل التعااامل معاااه
ذباحة المخاليق
- نشيط جدا
امممم انا انا ^^
- كوميدي
ماعرف >< يمكن عيناوي 007 ><
- ودك تضربيه
محد ^^
- تهدينه باااقة ورد
دلع الكون ^^
- يعجبك توووقيعه
لاتراوشني و الدرمكيه وفي حد بس نسيت نكه هههه
- قلبه طيب
اممممم الكل تقريبا ^^
18. خمسة اعضاء مستحيل تنســـينهم
راعية العوايد - ذباحة المخاليق - وانتي >> على هالاسأله ههههههه ماظني بنساج هع
- - - -
شكلي واايد سألتج
هو وايد وايد بس أستمتعت بالاسأله
والسموحه منج
مسموحه فديتج
لي عوده
ارقب عودتج ^^
تسلمين الغاليه عالاسأله وانتظر باقي اسألتج ^^
{ذباحة المخاليق~
03-07-2009, 01:30 AM
اۈب اۈب عيۈن ع اڷڪرسي
اشــۈفـه اڷقـسم مــنۈر :sm288:
شحاڷج .. شخبارج..؟
اٺحــبين ٺـشربين شي قـبڷ ڷا نبـدأ :sm162:
- شۈ إحڛآڛگ تچآه المنتدى؟ ۈشۈ إحڛآڛج تچآه آڷآعضآء .!؟
- شۈ هو شي فقدتيه ۈتتمنين آنه يرچع ڷج ..؟
- متى تحڛين پآڷإحرآچ ..!؟
- شۈ آهتمآمآتج ..!؟
- شۈهـ هۈآيآتج..!؟
- شۈهـ ڷۈنج آڷمفضڷ ..!؟
- آي قڛم فآڷمنتدى يعيپج ..!؟
- منۈه من آڷآعضآء مقرپين ڷقڷپج ..!؟
ۈبـث :sm188:
اٺمٺى اٺڪۈن اسأڷٺي خـفيفة عڷـيج ^^
لاتراوشني
03-07-2009, 04:23 AM
- من أى شئ تغضبين ... ؟
- متى تجلسين لوحدك ... ؟
- متى تقولين لا ... ؟
- متى تكونين أنانيه ... ؟
- كيف تعيشين يومك ... ؟
- ما هو سر نجاحج في الحياة ... ؟
- هل أنتي عاطفيه ... ؟
- هل صدمت بالخيانة من أعز أحبابج ... ؟
- هل أنتي فوضويه ... ؟
- هل كنت صادقاً في كل ما قلتة ... ؟
- أين تجدين راحة البال ... ؟
- أين تجدين نفسج في البيت ... ؟
- أين تذهبين لو أعطيت إجازة اليوم ... ؟
من تقول له احبك من الأعضاء...؟
- من علمته الرماية فرماك ... ؟
- من يعجبج من أعضاء منتدى منتدي دبي لابد .. (( 4 اعضاء فقط )) ...
-اكثر موقف صار لج أحرجك ..؟؟؟
-لونك المفضل ..؟؟
-عبارتك اللي تؤمن فيها ..؟؟
-أكثر شخص تقدر تتكلم معاه ..؟؟
-الشخصيه اللي تقدرها ..؟؟
-حلم تطمح له ..؟؟
-صفه تحبها بنفسك و صفه تكرهها ..؟؟
- شخص في دبي لابد تود أن تراه ؟
- شخص في دبي لابد تود أن تصادقه ؟
- شخص قدم لك معروفا في حياتك لن تنساه ؟
- شخص له أثر في حياتك ؟
: ماذا تعني لك الكلمات التالية :
- الحضارة
- الورد
- الدموع
- السعادة
- الأمل
- الموت
- الحرب
شورايج في شخصيات المنتدى ؟؟
عــٍيّوُنـ ظبـــْية
03-07-2009, 07:17 PM
اۈب اۈب عيۈن ع اڷڪرسي
هههه شفتي كيف وين حطوني ههههه
اشــۈفـه اڷقـسم مــنۈر :sm288:
منور بوجودج الغاليه ^^
شحاڷج .. شخبارج..؟
الحمدالله يسرج الحال والاخبار طيبه طاب حالج ^^
اٺحــبين ٺـشربين شي قـبڷ ڷا نبـدأ :sm162:
مشكوره ^^
- شۈ إحڛآڛگ تچآه المنتدى؟ ۈشۈ إحڛآڛج تچآه آڷآعضآء .!؟
اممم احساسي عادي شرات اي مواطن ماخذ جواز خخخخخخ >> اسولف ^^
- شۈ هو شي فقدتيه ۈتتمنين آنه يرچع ڷج ..؟
اممممم وايد اشياء ^^
- متى تحڛين پآڷإحرآچ ..!؟
يوم ماعرف اتصرف اذا صار شي ويكون شي تافه هههه
- شۈ آهتمآمآتج ..!؟
عندي وايد اهتمامات ومن ضمنهن النت وسوالفه ^^
- شۈهـ هۈآيآتج..!؟
اممم اقرى قصص وركوب الخيل واليلسه عالنت والطلعات والسفر ^^
- شۈهـ ڷۈنج آڷمفضڷ ..!؟
عيناوي - اسود
- آي قڛم فآڷمنتدى يعيپج ..!؟
اممم مال النكت وهالسوالف >> نسيت اسم القسم ههههه
- منۈه من آڷآعضآء مقرپين ڷقڷپج ..!؟
اممممم محد
ۈبـث :sm188:
اٺمٺى اٺڪۈن اسأڷٺي خـفيفة عڷـيج ^^
تسلمين الغاليه عالاسأله ^^
عــٍيّوُنـ ظبـــْية
03-07-2009, 08:01 PM
- من أى شئ تغضبين ... ؟
من وايد اشياء
- متى تجلسين لوحدك ... ؟
يوم اكون معصبه ومضايقه
- متى تقولين لا ... ؟
عالشي الغلط
- متى تكونين أنانيه ... ؟
اذا كنت ابا الشي من الخاطر هع
- كيف تعيشين يومك ... ؟
عادي مثل اي حد هههه
- ما هو سر نجاحج في الحياة ... ؟
ماعندي سر ^^
- هل أنتي عاطفيه ... ؟
مادري يقولون ^^
- هل صدمت بالخيانة من أعز أحبابج ... ؟
امممم هييه ><
- هل أنتي فوضويه ... ؟
مرات ^^
- هل كنت صادقاً في كل ما قلتة ... ؟
يب ^^
- أين تجدين راحة البال ... ؟
يوم اكون برع البيت
- أين تجدين نفسج في البيت ... ؟
في حجرتيه ^^
- أين تذهبين لو أعطيت إجازة اليوم ... ؟
بحوم الامارات كلها ^^
من تقول له احبك من الأعضاء...؟
محد ههههه
- من علمته الرماية فرماك ... ؟
وحده من ربيعاتي ^^
- من يعجبج من أعضاء منتدى منتدي دبي لابد .. (( 4 اعضاء فقط )) ...
هههههه وين هالمنتدى اول مره اسمع به ^^
-اكثر موقف صار لج أحرجك ..؟؟؟
اممم بعده ماصار لي موقف صدق من الخاطر محرج ^^
-لونك المفضل ..؟؟
وايد سألتوني اياه العيناوي والاسود ^^
-عبارتك اللي تؤمن فيها ..؟؟
ماعندي عباره ..
-أكثر شخص تقدر تتكلم معاه ..؟؟
ربيعتيه ^^
-الشخصيه اللي تقدرها ..؟؟
شخصية ابويه وامايا
-حلم تطمح له ..؟؟
اني اكون ناجحه في حياتي وارفع راس اميه وابويه
-صفه تحبها بنفسك و صفه تكرهها ..؟؟
امممم احب كل صفاتي واكره صفه وحده واللي هيه الطيبه >< زايده عندي ههه
- شخص في دبي لابد تود أن تراه ؟
ههههه ماعرف حد هناك لوووول
- شخص في دبي لابد تود أن تصادقه ؟
نو ون ^^
- شخص قدم لك معروفا في حياتك لن تنساه ؟
اختي وربيعتيه ^^
- شخص له أثر في حياتك ؟
وايد اشخاص
: ماذا تعني لك الكلمات التالية :
- الحضارة
التطور والنجاح والرقي
- الورد
المحبه والاخلاص والطيبه
- الدموع
الحزن والتعاسه
- السعادة
الراحه والطمئنينه
- الأمل
الوصول للهدف
- الموت
الفراق اللي مابعده لقاء
- الحرب
البغض والكره
شورايج في شخصيات المنتدى ؟؟
ماعليهم زود والنعم فيهم ^^
يسلمووو عالأسأله ^^
dal3 world
03-09-2009, 12:27 AM
السلام عليييكم
شحالج الغالية ^^
عساج بس مرتاحة بس في الكرسي
ههه
بغيت اسالج جم سؤال بس
.....
شو هدفج بالحياة؟!
انتي فضولية ؟ والى اي مدى يوصلج؟!
منو اقرب لج في حياتج بشكل عام؟!
ومنو يصلح يكون صديق مقرب لج؟
عاد اعذريني على الاطالة
وربي يوفقج ان شاء الله
^^
عــٍيّوُنـ ظبـــْية
03-09-2009, 02:16 PM
السلام عليييكم
وعليج السلام والرحمه
شحالج الغالية ^^
بخير وسهاله
عساج بس مرتاحة بس في الكرسي
الحمدالله مرتاحين هع
ههه
بغيت اسالج جم سؤال بس
تفضلي ^^
.....
شو هدفج بالحياة؟!
اني اكون ناجحه في حياتي وارضي اهليه وارفع راسهم ^^
انتي فضولية ؟ والى اي مدى يوصلج؟!
هيه فضوليه هههه امممم مادري عاد لاي مدى هع
منو اقرب لج في حياتج بشكل عام؟!
ربيعتيه
ومنو يصلح يكون صديق مقرب لج؟
اممم الصادق واللي اخلاقه عاليه والمخلص والوفي هاي صفات اللي يصلح يكون صديق لي ^^
عاد اعذريني على الاطالة
معذوره فديتج ^^
وربي يوفقج ان شاء الله
ويوفق اليميع
^^
تسلمين عالأسأله وثانكس عالمرور
^^
النوخذة
03-09-2009, 07:45 PM
السلام عليكم ورحمة الله وبركاته
الحين يا دوري عشان اسألج يا عيون ظبيه
من هي عيون ظبيه باختصار ؟؟
لو طلب من ( عيون ظبيه) . وضع عدد من النقاط او الاقتراحات للرقي بالمنتدى فماذا تقولين ؟؟
ماذا اخذتي من النت وماذا اعطيتيه؟
لو اردت مغادرة الوطن اي بلد تستقرين فيه؟
لو طلب تغيير اسمك ماهو الاسم البديل؟
ما هي المادة الدراسية التي عانيــتي منها ؟؟
شو رايك بالمجاملات وهل لها اثر كبير في القلوب؟
فقط كانت إسئـله من الهآمش ...
عــٍيّوُنـ ظبـــْية
03-09-2009, 09:11 PM
السلام عليكم ورحمة الله وبركاته
وعليكم السلام والرحمه ,,
الحين يا دوري عشان اسألج يا عيون ظبيه
حياج خيتووو ^^
من هي عيون ظبيه باختصار ؟؟
امممم عيون ظبيه هي انسانه مثلها مثل غيرها طيوبه حبوبه وتحب الخير للناس وقلبها ابيض وما تشل في خاطرها عى اي حد لو غلطوا عليها ^^>> وايد امدح عمري هع
لو طلب من ( عيون ظبيه) . وضع عدد من النقاط او الاقتراحات للرقي بالمنتدى فماذا تقولين ؟؟
اممم اول شي احاول اعرف كل عضو شو يحب يكون في المنتدى
اسوي مسابقات وجوايز من النوع اللي يحبها الاعضاء
اممم اغير الاستايل واخليه شوي ربشه هع>> ترى يأثر على النفسيه لووول
وازيد الاقسام واحاول ما اخلي المواضيع تتكرر ..
امم بس هاي اللي احس انه يساعد على رقي المنتدى ^^
ماذا اخذتي من النت وماذا اعطيتيه؟
خذيت المتعه والفايده واعطيت الشي اللي يمكن انه الواحد يستفيد منه يعني من مواضيع وسوالف >> ماعرف اعبر هع
لو اردت مغادرة الوطن اي بلد تستقرين فيه؟
جزيرة موريشيوس
لو طلب تغيير اسمك ماهو الاسم البديل؟
امممم ماظني بغير اسمي ^^
ما هي المادة الدراسية التي عانيــتي منها ؟؟
الفيزياء والرياضيات >< مرض كانوا
شو رايك بالمجاملات وهل لها اثر كبير في القلوب؟
امممم والله احس ان المجاملات مالها داعي ان الواحد يجامل بطريقه كيف اقولج ان يعطي الشي فوق حده يعني الواحد يوم بيجامل يجامل بالمعقول و احس ان هالايام الواحد اذا ما جامل الناس بتحس انهم يحطون في خاطرهم ويمكن ياخذون موقف او شي يعني الواحد يوم بيجامل بيخلي الطرف الثاني يفرح ويستانس يعني لها اثر في القلوب ^^ >> من وجهة رايي هع
فقط كانت إسئـله من الهآمش ...
تسلمين مديرتنا الغاليه على الاسأله
نورتينا ^^
جريح المحبهّ
03-11-2009, 05:26 AM
السلام عليكم ورحمة الله وبركاته.....
طبعـــــا أسألتي بتكووون غير عن الباجيين
أسأله يديده ومتطوره...الله يعينج يا عيووون ظبيه.. بطلع عيونج وعيوبج اليووووم:sm35:!!!!!!!!!خخخخخخخخخ
1- كم مره تتسبحين في اليوووم/الاسبوووع؟
اذا ما تتسبحي ( فاتحين خدمه يديده في الاتصالات(كل ثلاثاء) خدمة سبحني؟؟الله يخليج شاركي فيها
2-مره من المراات حسيتي عمرج غبيه؟
3-شو مواصفات فارس احلامج؟
4-يهمج كلام الناس عنج وإلا طاااف؟
5-وظيــفه تتمنيها؟؟
6-شوو من الحيوانات تحبين؟؟
7-أمـــاكن تحبي تروحيها في الامارات؟؟
8-أسثلتي تزعل وتحرج......صح؟؟؟خخخخخخخخخ
لا تزعلي مني.... أسوووولف وياج
بس حبيت أتعمق في خصوصياتج
والسمووووحيه اختيه
عــٍيّوُنـ ظبـــْية
03-11-2009, 12:03 PM
السلام عليكم ورحمة الله وبركاته.....
وعليك السلام والرحمه ...
طبعـــــا أسألتي بتكووون غير عن الباجيين
الله يعيني هههه
أسأله يديده ومتطوره...الله يعينج يا عيووون ظبيه.. بطلع عيونج وعيوبج اليووووم:sm35:!!!!!!!!!خخخخخخخخخ
الله يستر بس خخخخخ
1- كم مره تتسبحين في اليوووم/الاسبوووع؟
اذا ما تتسبحي ( فاتحين خدمه يديده في الاتصالات(كل ثلاثاء) خدمة سبحني؟؟الله يخليج شاركي فيها
هههههههه لا لا أتسبح في اليوم مرتين ^^ يعني كل يوم اتسبح قول امممم 14 مره في سبع ايام ^^
2-مره من المراات حسيتي عمرج غبيه؟
ههههه هيييه حسييت ^^
3-شو مواصفات فارس احلامج؟
امممم تصدق عاد ولا مره فكرت في هالشي خخخخ اممم يمكن الاخلاق والدين وانه يكون حبوب ومب عصبي وراعي مشاكل خخخخخخخ وشو بعد اممممم ويكون حلو هع
4-يهمج كلام الناس عنج وإلا طاااف؟
اذا واثقه في عمري مابتهمني رمست الناس لو شو قالوا ^^
5-وظيــفه تتمنيها؟؟
امممم لين الحين ماحطيت في بالي وظيفه خلني اخلص من الجامعه وخير لين عقب ^^
6-شوو من الحيوانات تحبين؟؟
الجلاب والقطاو بس اكثر شي الجلاب وخاصتا جيرمن شيبرد والسلوقيات وشيواوا
7-أمـــاكن تحبي تروحيها في الامارات؟؟
اممم ماعندي اماكن محدده ^^
8-أسثلتي تزعل وتحرج......صح؟؟؟خخخخخخخخخ
هههه هيييه شي منهن هع
لا تزعلي مني.... أسوووولف وياج
لا عادي خيوو ^^
بس حبيت أتعمق في خصوصياتج
هع الفضول يذبح هااا هع
والسمووووحيه اختيه
مسموح خيووؤوؤ
تسلم جريح عالأسأله وإذا شي في خاطرك بعد تعال اسأل بس أسأله غير عن هاي خخخخخ
ريمية
07-31-2009, 08:51 AM
حبيت فكرة الموضوع ^_^
وأنا عندي سؤالين بس ..
1/ وش يعني لك المنتدى ؟؟
2/ كيف تحكمين على الناس , هل من خلال تصرفاتهم أم من خلال عشرتك لهم ومعهم ؟؟
vBulletin 3.7.4