المساعد الشخصي الرقمي

مشاهدة النسخة كاملة : ҳҲҳஜ هل هاذا الشي عادي ؟؟؟؟ ஜ ҳҲҳ

الـِدرمـِـڪَـِـيــَه
11-09-2008, 12:04 AM
السلام عليكم

مسائكم / صباحكم ورد

كيف الحال ؟... أن شاء الله ترتوب

ما بطول عليكم عندي موضوع وابا اخذ رايكم فيه


الموضوع يتكون من نقطتين :

النقطه الاولى :

هل هو سهل بالنسبه لك او لج و هل تعتبر / تعتبرين جلوس بنات العم او بنات الخال مع الاقارب


امثال ولد عمها ولد خالها المهم شخص قريب جداَ من العائلة شيء عاادي

صحيح :


جلسنا معهم في الصغر ولكن هل نجلس معهم في الكبر يعني عااادي


حبيت اخذ رايكم



كثير من العائلات تربى ابناء العم مع بعضهم او ابناء الخال مع بعضهم فكبروا وأصبحوا كالأخوان وحملوا هذه الفكرة معهم فلاداعِ حتى للحجاب او لبس العباه ....

ولكن هناك بعض العائلات التي ما زالت متحررة وهناك العائلات التي ترى ان التحرر مع الأقارب الرجال او النساء امر محرم

النقطة الثانية :

هي المصافحة يد بيد من قبل الطرفين ماموقفكم من ذالك



الموضوع طرا على بالي وقلت تشاركوني فيه

جميعا شباب و بنات

وياليت اشوف ردودكم




اختكم الدرمكيه
النوخذة
11-09-2008, 02:15 AM
انا برايي انه عادي لكن بشي معقوول يعني كل شي بحدود


وتسلمين على الطرح وسلمت الايادي
ذپحتني پصدگ
11-09-2008, 04:17 PM
اول شي بالنسبه للجلوس معاهم . . . انا اشوووفه عادي يعني اوك متربيه فياه كاخو لها هالشي عادي . . . بس انه تفصخ شيلتها جدامه هالشي اول مره اسمع عنه . . . انا عن نفسي تربيت مع عيال عميه وعيال خاليه وهذوني عادي دوووم معاهم . . وهليه هب معترضين ع هالشي لاكن الحمدلله هب اقوم افصخ شيلتيه ويوم يقولون ليه ليش سويتي جيه اقوم اقولهم والله شو انا متربيه فيه .. كل شي وله حدود . . .


اما بالنسبه لموضوع المصافحه . . امممم هالشي غلط لانه الريال يلمس الحرمه فيه ذنب للحرمه . . . وانا بقولكم الصدق هب انيه بجذب احيانا عيال عميه يمدون ايدهم ليه وانا اقفط ماعرف شو اسوي بس اضرب ايدهم خفيف واخوزها ~>> عبط ادري . . معنه حرام بس الواحد يقفط يعني هب حلوه تفشلين واحد ماد ايده لج . . . بس اذا ما يقربليه اكيد بقفطه هع هع. . .


تسلمين ختيه ع الموضوع الغاوي وربيه لا هانج . . . ^^
الـِدرمـِـڪَـِـيــَه
11-09-2008, 04:23 PM
الله يسلمكم ع المرور الطيب}ْ~
ǻℓ~Ÿǻśчђ
11-09-2008, 04:32 PM
تسلمين اختيه على هالطرح

بالنسبه للطرح الاول انا ماشوف فيه شي صحح نحن تربينا عكس هالشي ما كنا نيلس وياهم ولين الحين
بس ماشوف فيه شي بس مثل ما قالن خواتيه كل شي وله حدود

اما بالنسبه للطرح الثاني ماشوف انه اوك
بالعكس حرام
الـِدرمـِـڪَـِـيــَه
11-09-2008, 05:16 PM
تسلمين حبوبه عالمرور الطيب }ْ~
عسولة العين
11-09-2008, 05:29 PM
عادي يلسنا معاهم بس باحترام وبأدب
الـِدرمـِـڪَـِـيــَه
11-09-2008, 05:44 PM
تسلمين حبوبه عالمرور الطيب
إكعبي ماركة
11-09-2008, 07:00 PM
مرحبتين كبار

ومساء ورد ونرجس ايفوح@من لندن ومخصوص وارد

وانا بنعمه الله يعافيج ويزين معانيج

النقطه الاولى :

الصراحه تعتمد على حسب العايله فبعض العوايل عادي مثل ما قلتي رابين مع بعض وفبيت واحد فاكيد العلاقه تختلف والاندماج العائلي يختلف فعادي يعني يتمون ليل نهار في بيوت بعضهم

وبعض العوايل قرايب ويسكنون مع بعض بس طبعهم مب مندمجين مع بعض فبتالي ما ييلسون ويا هلهم مول الا يمكم في الاعياد فقط يعني سلام عيد ومن بعيد بعد وهذا خاصه في العوايل البدويه يلي مشاء الله تكون كبيره إما الحضريه لي هم بيت وبيتين وخمسه امورهم طيبه عادي ييلسون مع بعض حتى بدون حجاب بس مب الكل

النقطة الثانية :

أنا سمعت بانه في الدين لا تجوز مصافحة الولد مثلاً وبنت خاله وإلا عمه إذا كان هو بالغ وهي بالغه

لكن يجوز للولد مصافحة خالته أو عمته أو حرمة خاله وعمه...ألخ

ونفس الشيء بالنسبة للبنت

وتبقى وجهة نظر حبيت أشاركم بها

والسموحه على القصور

خويكم

إكعبي ماركة
الـِدرمـِـڪَـِـيــَه
11-09-2008, 11:57 PM
تسلم خيوو ع المرور الطيب }ْ

والله يعطيك العافيه
غـبـيـشـه
11-29-2008, 04:19 PM
عادي ... ولكن بحدود ..


يعطيش العافيه ع الطرح ..
الـِدرمـِـڪَـِـيــَه
11-29-2008, 04:21 PM
ويعافيج ياربي

وتسلمين ع المرور الطيب
بوسالم
12-01-2008, 10:17 PM
والله انا اشووف انها تقعد عنده ويا العايله كلها عاادي

ولا برووحهم هب حلوه والله

عاد عن نفسي ماشفتهن في حياتي كلها ان كنت صغير ولا كبير

ومشكووورين ع الموضووع

وتقبلوا مروري
الـِدرمـِـڪَـِـيــَه
12-01-2008, 11:10 PM
تسلم خيوو ع المرور الطيب
عشق البداوة
12-02-2008, 10:23 PM
مرحبــآ ||~

تسلمين آلخويـه ع آلطررح ..
يعطيج آلعآآفيــه ..

من رآيـه آشوف آنه مب عآدي آيلسوون ربآعه ..
وآكيد رآيه يآآ من آلبيئه آللي ربيت فيــهآآ ..
وحتى لو ربيت عندهم .. هذآ شي مآيسمحليه آيلس
فيآآهم لوو كبررت ..

وآلسمووحه ..

.
.
الـِدرمـِـڪَـِـيــَه
12-02-2008, 11:32 PM
تسلمين حبوبه عالمرور الطيب
بنت ريلها
12-04-2008, 01:50 PM
ااناا رابيه ويا عيال عمومتي ولين اليوم ااناا ايلس واسولف واسهر وياهم عادي بس شي اكييد اكون لابسه الشيله لان مهماً كانوا هايله عيال عمومتي محرمين عليه وحتى سوالفي ويلستي وياهم بعد لها حدود

اما عن النقطه الثانيه
من ناحيه الحرام ف هي حرام اني اسلم عليهم بس فشله ااذاا ولد عمي ماد ادينه وااناا اقفطه بس عيال عمي الله يهديهم فيهم طبع ان يوم يسلمون يخاشمون ف اطر اني اخاشمهم بعد بس شو
نسوي والله


المهم

مشكوره غناتي ع الموضوع النايس اللي شرات راعيته
اصدق شعور
12-04-2008, 04:18 PM
مرحبا الساع

هو عادي شي معقول

لكن يعني اذا بروحهم ياخذون راحتهم اكثر
يسلموو ع الطرح
اخوكم

اصدقوه
الـِدرمـِـڪَـِـيــَه
12-04-2008, 10:09 PM
الله يسلمكم ع المرور الطيب
عــٍيّوُنـ ظبـــْية
02-07-2009, 04:18 AM
امممممممممممممممممممممم

والله انا ما اعرف شي عن هالموضوع هع

انا عن نفسي اتغشى عن عيال عمي وعيال خوالي

يعني ولا كد مره شافوني إلا الكباااار الكبار يعني مب المراهقين او الشباب لا الكبار اللي شافوني اما البقيه مايعرفون شكلي ^^

واما عن المصافحه حرااااام

بس اذا ريال ماد الحرمه عادي تاخذ السلام بس الاثم بييه هو لانه هو اللي بدا

أما اذا هيه مدة ايدها فالاثم عليها هيه ^^ ظني فهمتوا قصدي

^^


والسمووحه

^^