قصه حدثت لشاب فالعين.......

[مــلاك الحــب]

قريت هالقصة فمنتدى من المنتديات وحبيت انقلها لكم .....




ها الولد توه في أول عمره...داش كلية الشرطه...ايي الاربعاء و الخميس و اليمعه...المهم كان يكلم بنت...ويحبها موووت..كان يموت فيها...كان يحبها بجنون...و يا ما مسكوه و هو يكلمها في الكلية و حجزوه...ويا ما عطوه انذارات من كثر ما يمسكونه يكلمها..و هو عادي...المهم يسمع صوتها..ويوم الاربعا ايي يسلم على امه...وايلس بس نص ساعه في البيت و يطلع من البيت مسرع...يروح يخطف عدال بيتهم...يروح منطقتهم...عشان ترد روحه...و دوم تقوله امه:" ايلس ويانا...توك ياي" يقولها:"عندي شغل مواعد ريال"...دايما جذيه على هالحاله يسلم على أهله بسرعه و يطلع..و هي ادق له و هو بين أهله و تقوله:"يالله تعال بسك منهم" و يودر كل اللي في ايده و يروح لها...المهم مره كان يكلمها و قالتله بسكر الحين قالها:" بتفضين الليله عشان اكلمج"، قالتله:"لا..تعبانه و برقد الليله"،قالها:"أوكي خلاص.."...و يوم فليل يا على باله يدق الها...لو واعيه بتكلمه لو راقد ما بترد...المهم البنت عندها رقمين..طبعا موبايلين...و بكل برود كانت تكلم واحد و سهرانه عشانه و قالت للي يموت فيها انها بترقد...و دق الها..هي يوم شافت الرقم..سارت تبا تخليه يرن بس بدون صوت...(تعرفون هالحركه) المهم بالغلط..ضغطت على الزر اللي يرد عليه...ضغطت و فرت التليفون على بالها طقعت له و ردت تكلم الأخ...و تخيلوا موقف الولد...انصدم...منو تكلم!!!!! عقب تم يسمعها و يسمع الكلام اللي ينقال...و الغزل و الكلام اللي يظنه انه بس كان له...المهم سجلها...و هي تكلم هذاك الريال...و تم على الخط لين ما قالت لهذاك انها بتسكر عنه...ويوم سكرت..سكر...بالباجر..و هو يكلمها قالها"رقدتي حبيبتي أمس؟"


قالتله"هيه والله كنت تعبانه"
قالها" هيه..لأني اشتقت لج و دقيت ولا رديتي عليّ"


قالتله" هيه شفت الرقم يوم قمت...اسمح لي حبيبي"...
قالها" صار خير...بسمعج شي...أريدج تسمعينه للنهاية للنهـــاية"
قالت"أوكي"...سمعها التسجيل...بغت تتخبل انصدمت..و بغت ترمس...قالها"أوص ولا كلمه...سمعي للنهايه"...وهي كانت تتفداه وو تضحك وياه هذاك الريال...و كل ما تريد ترمس و تيب عذر يسكتها"جب...قلتلج سمعي للنهايه"...لين ما خلص التسجيل قالها"يوم انج عفتيني و شبعتي مني...ليش ما قلتيلي؟؟..شواللي ما سويته و ترس عينج؟؟...غلطت عليج؟ خنتج؟ضحكت عليج؟...ليش؟ خاطري أعرف ليش...بعد كل الحب اللي عطيتج اياه..اللي اول مره أعطي حد جذيه.....ليش...كيف كل هالايام اللي خطفت و مرت علينا..هانت عليج..كيف؟!؟"...وطبعا راحت تبا تعتذر ولكن خلا اعذارها الها...وخلاها..وراح بجروحه و صدمته الكبيرة لي ما كان يتوقعها منها...و بغت ترد له بس ما في فايده خلاص....
و للعلـــم...كان يكلمها...و وياها سنتين كاملات...سنتين يحبها و يخلص في حبه...سنتين يتعذب عشانها..وهي ضيعت كل هالايام في ثواني... ...


ملالالاحظة : الحب عمرة مااايبنا بالدس واللي يبدىبالغلط اكيد نهايته بتكون غلط والله يهديهم ويهدي الجميييع

[النوخذة]

مابني على باطل تراه باطل

[ΎặŁβЄЄЄђ]

حليله :(

الله يعينه

[آدُمٍـــنٍـــتِـ حِـــبُـــجَـ]

الله يكوون فعوونه

[~ شـمـعـة غـريـبـ ~]

اللله يكون في عونه

[غريب_الدار]

الله بيعوضه بغيرها ولي احسن منها انشالله

[شماني]

عمر هذه العلاقات ماتستمر الي تبنى بالغلط تنهتي بسرعه

[حٌ ــدَ »مٍـثًــلـيـےَ«!!]

ماشي حب وهالخرابيط في هالأيام..

وايد منها والله والعن واخس بعد .. هذا مثال مبسط بس


تسلم خيوو ع القصه..

[عسولة العين]

وحليله مصخرته هههههههههههه صدق مقصه الشباب

[ذپحتني پصدگ]

حليله . . . الله يكون في عونه . . . وربيه يعوضه باللي احسن عنه وتقدره وتقدر حبه . .

تسلم خويه ع القصه وربيه لا هانك . . . ^^

[بـטּـوتہّ ڪْيـوت]

http://www.ahlal3in.com/vb/imgcache/154.imgcache (http://www.kaifkom.com/up/)

[غـبـيـشـه]

يسلموووووووووو

[بوسالم]

حليله الله يعيينه

[() ظــــــ اللــــيل ــــــلام ()]

........................................

[بوسالم]

العلاقه اللي غلط بتم طول عمرها غلط

والحب مايكون بهالطريقه تلفون وهالسوالف


يسلموو ع الموضووع

[dal3 world]

مثل ما قالوا اللي يبتدي بغلط بتم طوول عمره عايش بالغلط


يسلمووو على القصة

[عــٍيّوُنـ ظبـــْية]

الله يكون في عونه

هذا شي بسيط اللي صار فيه الله راواه ان هالشي ما بيستمر

مادام اللي بني على باطل ينتهي بسرعه ><

والسموووحهــ

^^