مشاهدة النسخة كاملة : [[ََ رحلة الى حيث كانت طفولتنا َََ]]
لبيه ياهل العين
11-26-2008, 01:18 AM
السلام عليكم
مسآئكم / صبآحكم مِسك وكآدِي
\
الطفولة
\
:
أحلى مافي هالحياه .. مرحله من غير هم
كنـّا دايم نبتسم
كنـّا حتى لو بكينا ... وجارت الدنيا علينا
بعد لحظـات وثواني
[ بسمه فينا ترتسم ]
رحلة إلى تلك الأيآم ..
حيث البراءة... الطهارة ... العفوية... الحب الخالص... والعواطف النقية...
هنآك فقط .. حيث الطفولة .. ،
رحلة الى حيث كانت طفولتكم
دعونا نتعرف على جانب جميل عشناه جميعنا وتمنينآ عودته جميعا ً
!
المحطه الاولى
اوصف طفولتك بجملة واحدة
.
.
المحطة الثانية
ما هو اجمل موقف او اجمل ذكرى تتذكرها من طفولتك ؟
.
.
المحطة الثالثة
ما هو أصعب أو أحزن موقف مر عليك في طفولتك ؟
.
.
المحطة الرابعة
ما هي أجمل هدية تلقيتها في طفولتك ولم تنساها لليوم ؟
.
.
المحطة الخامسة
هل هناك انسان معين كرهته في طفولتك .. ولماذا ؟
.
.
المحطة السادسة
ما هي اصعب مرة انطقيت فيها ولا زالت محفورة في ذاكرتك وسبب الطق وش كان؟
.
.
المحطة السابعة
هل كنت غيور بطفولتك من اخوانك وتحس فيه تمييز بينك وبينهم ؟
.
.
المحطة الثآمنه
ما هي اكثر وافضل لعبة كنت تلعبها و أنت صغير ؟
.
.
المحطه التاسعه
هل ستربي اولادك بنفس الطريقة التي تربيت بها في طفولتك؟
الطريقة رح تكون بإني اختار عضو
ليجآوب ع الاسئلة ..
وهو بدورهـ راح يختار عضو بعدهـ وهكذآإآإآ ..
وآول ضيف راح يشرفنآ
(( .. راعية العوايد الأوليه ..))
بإنتظآرج
جــ(الضمير)ــرح
11-26-2008, 03:56 AM
وعليكم السلام ورحمة الله وبركاته
مساء الخير
موضوع مميز فعلأ
وطبعأ
احلى مرحله مرحلة الطفوله
فعلأ عندمأ كنا صغار
نبكي وبعد لحظات نبتسم عندمأ نسمع كله حلوه..
ويعطيج العاافيه الشيخه
ع الموضوع
وبنتظار
المديره
^^
متابع
النوخذة
11-26-2008, 12:41 PM
انا اول الضحايا يعني الله يسامحج ههه
طبعا يشرفني انج اخترتيني والله يقدرني واقدر اجاوب مع اني ماعرف اعبر
المحطه الاولى
اوصف طفولتك بجملة واحدة
حلوه ومره في نفس الوقت
.
.
المحطة الثانية
ما هو اجمل موقف او اجمل ذكرى تتذكرها من طفولتك ؟
عندي مواقف وايد بس احلى موقف وكل ماذكره اضحك من الخاطر اختيه عسولة العين كانت تحنيني واانا مابا اتحنى وجان اطبع الحنا في ويهها وحليلها كان على العيد بس الحمدالله انه ما صبغ على خدها ولا مابتعيد هههههههه اسمحيلي اختاه فضحناج شوي
.
.
المحطة الثالثة
ما هو أصعب أو أحزن موقف مر عليك في طفولتك ؟
موت خالي مع اني كنت صغيره بس للحين اذكر ذاك اليوم الله يرحمه ويغفرله
.
.
المحطة الرابعة
ما هي أجمل هدية تلقيتها في طفولتك ولم تنساها لليوم ؟
علبة مكيااج من امايه كانت الهديه واذكر كان لونها احمر خخخخفي يوم واحد عبرت الالوان مارحمتها ههه
.
.
المحطة الخامسة
هل هناك انسان معين كرهته في طفولتك .. ولماذا ؟
لا ماحد او يمكن حد بس ماذكر حاليا
.
.
المحطة السادسة
ما هي اصعب مرة انطقيت فيها ولا زالت محفورة في ذاكرتك وسبب الطق وش كان؟
مره ابويه شافني برع ويا بنات الحاره وجان يهفني بكف عاد حزتها حليلي تفشلت وانا مسويه نفسي زعيمة الحاره خخخ
.
.
المحطة السابعة
هل كنت غيور بطفولتك من اخوانك وتحس فيه تمييز بينك وبينهم ؟
ماكنت اغار لانه انا كانت لي معامله خااصه شوي
.
.
المحطة الثآمنه
ما هي اكثر وافضل لعبة كنت تلعبها و أنت صغير ؟
مريحانه وماريو
.
.
المحطه التاسعه
هل ستربي اولادك بنفس الطريقة التي تربيت بها في طفولتك؟
لا لانه الزمان الي انولدت انا فيه غير وزمانهن هم غير
وان شاءالله اكون عطيت كل سؤال حقه
واختار صاحبة الموضوع ( لبيه ياهل العين )[/size][/size]
ملاك العين
11-26-2008, 11:51 PM
حلو الموضوع
مشكوره العوايد الاوليه
وننتظر لبيه ياهل ا لعين
عسولة العين
11-27-2008, 03:27 PM
استغفر الله فظحتينا
اقولكم اختاروني بعد لبيه يااهل العين عشان افظح المديره
لبيه ياهل العين
11-27-2008, 03:46 PM
يعطيكم العافيه اخواني ع المرور الغاوي
وان شاء الله يكون الموضوع نال ع اعجابكم ..
المحطه الاولى
اوصف طفولتك بجملة واحدة
سعاده + شقاوه = حلوه واااايد .
.
.
المحطة الثانية
ما هو اجمل موقف او اجمل ذكرى تتذكرها من طفولتك ؟
ههههههههههههههههههههههههههههههههههههههههههه
هذا الموقف بالذات ماراح انساه كان الهندي مالنا يبيي يسافر ويلسنا
نودعه كنه واحد من العايله هههههههه .
.
المحطة الثالثة
ما هو أصعب أو أحزن موقف مر عليك في طفولتك ؟
موت ولد خالي الله يرحمه كان واايد غالي .
.
.
المحطة الرابعة
ما هي أجمل هدية تلقيتها في طفولتك ولم تنساها لليوم ؟
هديه اختي لي يوم كنت في الصف رابع .
.
.
المحطة الخامسة
هل هناك انسان معين كرهته في طفولتك .. ولماذا ؟
حرمة عمي.
.
.
المحطة السادسة
ما هي اصعب مرة انطقيت فيها ولا زالت محفورة في ذاكرتك وسبب الطق وش كان؟
مره ابوي طقني طق محترمه والسبب اختي الصغيره .
.
.
المحطة السابعة
هل كنت غيور بطفولتك من اخوانك وتحس فيه تمييز بينك وبينهم ؟
لا الحمدلله .
.
.
المحطة الثآمنه
ما هي اكثر وافضل لعبة كنت تلعبها و أنت صغير ؟
المرحانه هههههه.
.
.
المحطه التاسعه
هل ستربي اولادك بنفس الطريقة التي تربيت بها في طفولتك؟
زمن الماضي غير عن زمن المستقبل .
هاي اهيه طفولتي سينما مو ! هههههههههههه
ابشري ياعسولة العين تم اختيارج ..
بانتظارج الغلا ...
عسولة العين
11-27-2008, 04:36 PM
الحين عاد بطلع المستخبي وبفظح المديره
المحطه الاولى
اوصف طفولتك بجملة واحدة
حلوه . .
المحطة الثانية
ما هو اجمل موقف او اجمل ذكرى تتذكرها من طفولتك ؟
كنا انا والمديره يالسين وهي فنعوصه ويالسه ترمس اربيعتها بالتلفون وانا شليت دلة الجاي وقلتلها بجبها عليج جان تقول ماتقدرين والي ماشوف نص الجاي على ريولها وحااار ويلست تصيح وانا شردت انخشيت في الحمام خفت حد يضربني والحمدلله محد عطاها ويه
في موقف ثاني المديره كان عمرها 4 او 5 سنين تحب تلبس كنادير الاولاد وتسمي عمرها كابتن ماجد وتطلع الحاره خخخخخخخخخ . .
المحطة الثالثة
ما هو أصعب أو أحزن موقف مر عليك في طفولتك ؟
كنت شاريه ارانب 2 وبنفس اليوم اخويه المجرم ذبحهن حتى ماتهنيت فيهن . .
المحطة الرابعة
ما هي أجمل هدية تلقيتها في طفولتك ولم تنساها لليوم ؟
عروووسة باربي . .
المحطة الخامسة
هل هناك انسان معين كرهته في طفولتك .. ولماذا ؟
بنت خالتي ولين الحين اكرها كانت دبه
. . المحطة السادسة
ما هي اصعب مرة انطقيت فيها ولا زالت محفورة في ذاكرتك وسبب الطق وش كان؟
وااااااااااااااااااايد كنت مشاغبه فظيعه كله اراكض والحين ولديه طلع نفس الشي واذا مانضربت في اليوم يكون معجزه اذكر مره طلعت 11 تصفعت تصفيع لين الحين اتذكر هل اليوم . .
المحطة السابعة
هل كنت غيور بطفولتك من اخوانك وتحس فيه تمييز بينك وبينهم ؟
كنت اغار من المديره نذله كلهم يحبونها . .
المحطة الثآمنه
ما هي اكثر وافضل لعبة كنت تلعبها و أنت صغير ؟
كنت احب العب كوك . .
المحطه التاسعه
هل ستربي اولادك بنفس الطريقة التي تربيت بها في طفولتك؟
اكيد طبعا تربية اهالينا احسن تربيه والدليل تعلمنا وتوظفنا وتزوجنا
وان شاءالله اكون عطيت كل سؤال حقه واختار من بعدي
[c=4]guesswho[/c=7]
دلووعة حلوة
11-27-2008, 08:53 PM
ياااسلااام ع المووضوووع عجيييب ..
نتريا guesswho
المهندس
11-28-2008, 01:01 AM
center]يحيبها مديرتنا طلعت الكابتن ماجد عيل وانا اقول وين شايفنها من قبل خخخخ
المحطه الاولى
اوصف طفولتك بجملة واحدة
مزيج من الشقاوه والسعاده والعفويه وكثير من الذكريات
.
.
المحطة الثانية
ما هو اجمل موقف او اجمل ذكرى تتذكرها من طفولتك ؟
أحلى موقف ... اذكر مره كنت اضارب ويا واحد من الفريج وكان ضخم وانا يحليلي المهم بالنهايه شافنا اخوه ويا كفخه جدامي وقعد يصيح ههههه
.
.
المحطة الثالثة
ما هو أصعب أو أحزن موقف مر عليك في طفولتك ؟
موت ابويه الله يرحمه ويغمد روحه الجنه
.
.
المحطة الرابعة
ما هي أجمل هدية تلقيتها في طفولتك ولم تنساها لليوم ؟
أذكر ابويه ياب لي هديه سياره تمشي على الكهربا وكان الكل متغايض ليش ياب لي وما ياب لهم وانا مستانس ^^
.
.
المحطة الخامسة
هل هناك انسان معين كرهته في طفولتك .. ولماذا ؟
أذكر مره شفت اخويه الكبير يضارب ولد بالحاره وكرهت هالولد وكرهت بعد ولد ييرانا كنا دوم نضارب لين ما وصلنا اول ثانوي استوينا ربع
.
.
المحطة السادسة
ما هي اصعب مرة انطقيت فيها ولا زالت محفورة في ذاكرتك وسبب الطق وش كان؟
أول يوم لي بالروضه وكنت اوني ما ابا اسير بالباص اباهم يودوني بسياره شرات بنت ييرانا ..هاك اليوم ابويه ضربني ضرب وركبت الباص وريلي فوق راسي وانا اصيح ... هالسالفه استوت عبره لمن لم يعتبر للحين يحكونها لخواني لصغار ههههه
.
.
المحطة السابعة
هل كنت غيور بطفولتك من اخوانك وتحس فيه تمييز بينك وبينهم ؟
لا ما كنت اغار ... لاني كنت اصغر واحد فالبيت لمده طويله وكنت اي شي اباه احصله
.
.
المحطة الثآمنه
ما هي اكثر وافضل لعبة كنت تلعبها و أنت صغير ؟
أحلى لعبه الكوك بالفريج
.
.
المحطه التاسعه
هل ستربي اولادك بنفس الطريقة التي تربيت بها في طفولتك؟
أكيد بربيهم على نفس القيم اللي ربوني اهلي عليها
واختار( نجومي على الارض ظله )[/center][/size][/size]
لبيه ياهل العين
12-01-2008, 12:36 AM
السلام عليكم
بغياب العضو نجومي على الارض ظله ...
راح يتم اختيار عضو آخر ..~
واهووه الاخت {ذباحة المخاليق~ ..
بآنتظارج الغلا..~
{ذباحة المخاليق~
12-01-2008, 02:34 AM
وعليكم السلام
شحالكم .. ربكم الا بخير؟؟
تسلمين الغلا ع الموضوع الفنتكـ
واشكرج ع اختياري ^^
المحطه الاولى
اوصف طفولتك بجملة واحدة
ليت الطفولة تعود يوماَ ^^
المحطة الثانية
ما هو اجمل موقف او اجمل ذكرى تتذكرها من طفولتك ؟
كنت كل يوم اضارب ويه ولد عموتي ^^
المحطة الثالثة
ما هو أصعب أو أحزن موقف مر عليك في طفولتك ؟
وفاة يدوتي ..
المحطة الرابعة
ما هي أجمل هدية تلقيتها في طفولتك ولم تنساها لليوم ؟
سيارة كبيرة من ابوي بس مب صدقية طبعاً هع
المحطة الخامسة
هل هناك انسان معين كرهته في طفولتك .. ولماذا ؟
لا يهال وحليلنا مانعرف الكره ^.^
المحطة السادسة
ما هي اصعب مرة انطقيت فيها ولا زالت محفورة في ذاكرتك وسبب الطق وش كان؟
كل يوم يمكن بس أكثر شي عشان اظهر حافية خخ
المحطة السابعة
هل كنت غيور بطفولتك من اخوانك وتحس فيه تمييز بينك وبينهم ؟
لا الحمدالله كلنا سواسية
المحطة الثآمنه
ما هي اكثر وافضل لعبة كنت تلعبها و أنت صغير ؟
كوك والمريحانة ماعندنا غيرهم والقحيف بعد لووول
المحطه التاسعه
هل ستربي اولادك بنفس الطريقة التي تربيت بها في طفولتك؟
لا طبعاَ كل جيل وله زمانه بس لازم انكون حريصين لأنه هالزمن ماله أمان...
(( أختار الدرمـــكية ))
النوخذة
12-01-2008, 02:39 PM
في انتظار الدرمكيه.......!
بوسالم
12-01-2008, 09:54 PM
هههههههه مووضوووع حلوو والله
وانا بطرش الرابط حق الدرمكيه ادش تشووف الموضووع
{ذباحة المخاليق~
12-02-2008, 06:58 AM
تعتذر الدرمكية ^^
اختار العضو ((بن بوظبي))
ذپحتني پصدگ
12-07-2008, 02:34 AM
رووووووووووووووووووعه الموضوع . . .
ونتريا خوينا بن بوظبي . . . ^^
βіn AD
12-10-2008, 10:27 AM
السلام عليكم
اول شي حبيت اشكر اختي ذباحة المخاليق ع اختياري .. وجاااااان نتوهق
في الحقيقه والحمدالله وبعد الدعم النفس والصحي .. ادري ماله خص
اليوم انشالله مب باجر اجاوب على هاي الأسأله
ودوااااج عندي ياذباحة المخاليق
المحطه الاولى
اوصف طفولتك بجملة واحدة
طفولة رغيد كنا نحوط ف السكيك ^_^
المحطة الثانية
ما هو اجمل موقف او اجمل ذكرى تتذكرها من طفولتك ؟
اول مره اسرق سيكل الطباخ ...
المحطة الثالثة
ما هو أصعب أو أحزن موقف مر عليك في طفولتك ؟
وفاة أخويه ..
ومرض اختي..
المحطة الرابعة
ما هي أجمل هدية تلقيتها في طفولتك ولم تنساها لليوم ؟
دبابه صغيره تشتغل بجهاز وعلقتها ف كشة اختي هع لين اليوم اتذكرها
المحطة الخامسة
هل هناك انسان معين كرهته في طفولتك .. ولماذا ؟
ماكنت متفيج اكره حد كنت اضارب بس ثاني يوم ماجنه شي مستوي
المحطة السادسة
ما هي اصعب مرة انطقيت فيها ولا زالت محفورة في ذاكرتك وسبب الطق وش كان؟
ههه يوم تيمعوو عليه عيال عمي ضربوني ضرب رديت البيت نعولي فوق راسي
المحطة السابعة
هل كنت غيور بطفولتك من اخوانك وتحس فيه تمييز بينك وبينهم ؟
لا الحمدالله كنا كلنا نتصفع على نفس المستوى ههه
المحطة الثآمنه
ما هي اكثر وافضل لعبة كنت تلعبها و أنت صغير ؟
كروك وانخرب على البنات ونفيخ فيه ماي وانفر الهنود بالنعول من فوق البيت هع
المحطه التاسعه
هل ستربي اولادك بنفس الطريقة التي تربيت بها في طفولتك؟
يخسون والله ماشي هياته بس ..
وأأخـــتآآر ذپحتني پصدگ
واسمحولي ع التأخير
{ذباحة المخاليق~
12-12-2008, 08:16 PM
هههههههههه
توه الناس بن بوظبي خخ
حلوووة كاانت رحلة طفولتك ^^
وفي انتظار ذبحتني بصدكـ
قبيسيه قمر
12-12-2008, 08:33 PM
حلووووووووووو الموووضووووووع
لبيه ياهل العين
01-06-2009, 01:20 PM
تسلمون اخواني الاعضاء ع المبادره الطيب منكم ..~
طفوله حلوه و رائعه ..~
وبنتظار ذبحتني بصدكـ ..~
عــٍيّوُنـ ظبـــْية
02-07-2009, 07:03 PM
الفكره وايد حلووه
^^
الوحش الدهماني
02-19-2009, 09:03 PM
بخبركم مع الزمن
موضوعك رهييببببببب
vBulletin 3.7.4