شي ما ينسكت عنه

[بنت ريلها]

السلام عليكم وررحمه الله وبركاته


الصرااحه قمت اشوف شي موول ما ينسكت عنه

اللي هو ان البلاد متروسه من الهنود والوااافدين بدرجه موول ما تنوصف

البلاد بلادنا وهم تارسينها والله لو يسوون احصائيه يشوفون نسبه المواطنين

والله انهم بشوفون ان الوافدين اكثر عن عيال البلاد

وبالصرااحه لازم نحن ما نسكت عن هالشي بس منو بنرمس ولازم نحن المواطنين

نداوم او نشتغل بدال الوافدين يعنى مثلاً في الكاشيرات اللي في الجمعيات و عند شيشت البترول بدال ما يصب البترول هندي ليش ما يكون مواطن او مواطنه عادي ترا ما فيها شي لا عيب ولا حرام و حتى بدال ما يسوقون الهنود التكاسي ليش عيال البلاد ما يسوقون والله ما فيها شي ااناا من اخلص دراسه والله اني بحاول اسوي اي شي بس عشان اطلع هالعماله والوافده من بلادي وبعدين هذي بلادي ولو ما اشتغلت وتعبت عشانها بتعب حق منو بلاد غيري و ولا حق منووو


ياريت لو تتفاعلون وياي شوي في الموضوع ونلقى حل لهاي المشكله

[•[..טּـآدآטּـيـﮱ ۈ لبيتـہّ..]•]

امممممممممم الصراحه موضووعج مميز

و اصلاا كله نحن الموطنين يايبين الهنود هني البلاد >>>> ليش

لانه نحن ما انروم انسوي شي من دونهم اتخيلي حياتج من دون الخدامه

و من دون الدريول ؟؟

و من دون بيدار العزبه

هااي انتي شخصيا ؟؟

انزين و الهنود في البلااد بس علشاان الشركات هم و الزلمات

و الصراحه مايعطون المواطن فرصه حتى علشان يشتغل

يعني هم بسهوله يحصلونه الشغل

و نحن يوم يبيض الديج !!!

هم احس عنا في كل شي

اكيد شفتي الاخبار شو مسوي في الهند و ردوا ع الموطنين

حتى لو ترميسن من اليوم لين باجر محد بيسمعج

و يسلمؤؤؤؤؤؤ

[بنت ريلها]

من ناحيه الخدم اوك يبيلج حدامه واييبون عمال حق البنيان وعقب يردونهم بلادهم

مب كومه هنود في البلاد والله ان شي هنود واافدين في البلاد بس جيه وبعدين لازم يمنعون انهم اييبون عوائلهم البلاد

والله ان الهندي عقب ما يكمل سنه يقول حق الارباب ماله والله ااناا ااباا اييب ولد مال انا عشان يشتغل والولد بيشتغل وبيقول بيب اختي وليين ما تيي العايله الكريمه كلها شو الفايده عاد من العايله كلها هني بس شكلنا مع الايام اليايه نحن المواطنين بننطرد من بلادنا وبتقولوان قالت بنت ريلها المسكينه

بس تسلميين ع الرد

[هبوب العين]

والمشكله الاكبر ان في بعض الشركات تحصلون الوافدين اكثر من المواطنين يعني تحصلون نسبة البطااااله وايد ومواطنين مب محصلين شغل .. وفي بعض الاماكن يبدون الوافد عن المواطن هاي مصيبه والله ..

ومثل ماقالت اختي .. نجومي .. ان الهنود نحن محتاجليهم

ومشكووره على موضعج المميز ..

اما لمشكلة ان الهندي يبي ايب اهله هاي مشكلة الارباب لازم كل من يكفل هندي ينتبه لان زاادو نسبة الهنود الي ماعندهم بطايق

اخوج .. هبوب العين ..

[بنت ريلها]

مشكور خيوو هبوب العيين ع الرد وما قصرت الحمدلله في حد يعاني شراتي..

[قلب وحداني]

صبـــاح الخيــــر ....

موضوع من النــظرة الاولى قــد نتعاطف جميــعا وننسج اجمــل العبارات والجمل التي تقف في صـــف المواطن ...

اختي بنت ريلها ...

طبــعا أنتي ما حطيتي في بالج ان الدوله تواكب التطور من نواحي عديده منها الصــناعه والعمران ...ألخ ..جميعها إقتصادية ..

هاي الحركه تحتاج إلى إيدي عــامله وإلى قوه بشريه كبيره ..

لا تنسي ان دوله الامارات عدد سكانها قليل ...

صحيح ان اعداد الآسوين تفوق المواطنين والعرب ...ولكن هالشيء فد تعتبره طبيعي في ظل الحاجه لهم ...

أعتقد انه توجد قوانين صارمه لدى وزارة الداخليه من ناحيه الاقامه وغيرها .. تحدد من لهم الاحقيه في الاقامه بالدوله ..

وشيء طبيعي ان الدوله لها أستراتيجيه تسير عليها ...

طبعا لو نظرنا للموضوع من زاويه اخرى

مثل ما تفظلتم لا غنى عن الخدامتين وليش الخدامه في هاليومين ..

لاغنى عن الدريول والبيدار ... لا غنى عن الطباخ ...

طبعا في محطات البترول والاعمال الفنيه والمهنيه ..طبعا لا تجد فيها المواطنين ...

ولكن والحمد لله بنشوف خريجين في السنوات القادمه من لديهم هذه القدرات ... وإن شاء الله نشوفهم في ارض الواقع ...

اطمني يا اختي ... كل الدلالات تؤشر إلى ان القياده الحكيمه لدوله الامارات تخطط وتتجه بشكل سليم من أجل الرقي بفكر وعقليه المواطن الاماراتي ...

أنظري إلى مدير شركه اعمار العقارية ...

أنظري إلى مهندسين شركه اندوك ... اكثرهم مواطنين ..وحتى الفنين ..

أنظري إلى اغلب المراكز الكبيره ..ستجدين مواطنين على الكاشير ... والله يعطيهم العافيه ...

أنظري إلى مستشفياتنا .. ستجدرين من هم من ابناء وطنك ..

انظري إلى جامعاتنا وكلياتنا ... اصبحت من احدث الجامعات المعترف بها ..

إن شاء الله خير اختي ...

واتشرف ان يكون اول رد لي في موضوعج ..

أخوج

قلب وحداني

[النوخذة]

اخوي قلب وحداني كفا ووفا عن الي كنت بقوله
وتسلمين ياختيه على طرحج موضوع مميز مثل هذا
والله يعينا في السنين القادمه

[بوسالم]

خواني كفوا باللي كتبوه

تقبلي مرووري

اخوج

راعي الكرز

[بنت ريلها]

مشكور خيوو قلب وحداني ع الكلام خليتني احس ان في طاقم اماراتي قوي ياي في الدرب

مشكوره خيتي راعيه العوايد الاوليه على المرور

[بنت ريلها]

خواني كفوا باللي كتبوه

تقبلي مرووري

اخوج

راعي الكرز


ليش خيوو هاي مشكله في البلاد ونحن حابين نتناقش فيها

[عــٍيّوُنـ ظبـــْية]

الصراحه انا دوووم محتشره عسب كثرتهم في البلاد

انزين خلونا من اللي يشتغلون

ليش عوايلهم مازرين البقعه

واولهم مبزره نحن كمواطنين مانرووم نرووح لها لان كل مانرووح

الوافدين ما شاء الله محتلين البقعه يعني مووول مانرووم نحط ريولنا في بقعه إلا وهم محتلين المكان

ابونا زايد الله يرحمه مسوي مبزره للمواطنين وان يكون لنا مكان نقدر نرتاح نفسيا من الاشغال والدراسه فيها ولكن في الاخير منو مستفيد؟؟؟؟؟ >>> الوافديين ><

الحين الجامعه وبالذات جامعه الامارات يقولون انها للمواطنين انزين وااايد بنات كان حلمهن الجامعه والحين في الكليه ليش لان الاستاذ الفلاني متوسط عند المدير يدخل بنته >> منو هالاستاذ طبعا وافد انزين وعقب قاموا الباقين يتوسطون لين مادخلوا بناتهم ومزروا الجامعه وافدات

وقبل لا نخلص الثانويه في الجرايد كانوا كاتبين ان الجامعه ماعندها ميزانيه ادخل بنات اللي نسبهن تحت ومادري شو يتعذرون وما خلوا شي وما كتبوه والحين الجامعة نص البنات في الجامعه داخلات بواسطه ونسبهن تحت 70 وغيرهم من اللي كان حلمهن الجامعه مارامن يدخلن

يعني تقريبا الوافدين احتلوا كل شي ماباقي إلا ياخذون الجواز

والله قهررررر ><


تسلمين ختيه ونرقب الزود منج

تقبلي مروري

عيون ظبيهـ

^^